>> Monday, December 20, 2010
මැදියමේ යහනත පෙරළි පෙරළී සිටි සඳ
කවුළුවෙන් ආ සඳ දියත්තක
නොයෙක් කවිසිත් ගලා ආයෙය.
පසුවදා අළුයම
පිබිදී බලන සඳ
ඒ සියළු කවි සිත්
අමතකව ගොස් තිබිණි…
පිළී ගඳ හමන
මාළු ලෑල්ලෙත්
මෙලෝ ගඳක් නැති
සුපිරි වෙළඳ සැලෙත්
විකුණන්නෙ
එකම මුහුදේ එකම මාළු…
2010.12.10
ගිලිහෙන්නට තනන ජීවන රිද්මය
කෙසේවත් රඳාගන්නට නොහී
නික්මෙන සියදහස් මිනිස් ආත්ම
මොහොතකට නවතින නවාතැන්පල…..
කෙටි කලක් - දිගු කලක්
සෙවණ දුන් දුඟඳ පිරි සිරුරු දෙස
ඒ වටා වැලපෙන සුහද කැල
අවසන් වරට දෙස් දෙවන…
නැවත මව් කුසක්
සොයා අරඹන්නට
නිමක් නැති සංසාර දිගු ගමන
විදුළි සැරයක් සේ
එකවිටම නික්ම යන…
කඩදහියක දැවටූ
දුම්කොළ සුඟක්
එක් කොනක ගින්දරක්
අනෙක් කොන බූරුවෙක්..!
මේක ෆේස්බුක් එකේ තිබිල හම්බ වෙච්ච කව්යක ට්රාන්ස්ලේශන් එකක්. සරල වුනත් අර්තවත් නිසා සිත් ගන්නා සුළුයි…
පිනි පෙඟුන අතු අගිස්සක
නටුවක්ව පිළසිඳ
සියක් පෙති විදා හිනැහෙන
කුසුමක සුවඳ
මේ උදෑසන..
මිහිකත නිවා සනහන
සිහින් පොදවැස්සකට හසුව
නටු අගින් ගිලිහෙත
එක දෙකක් ඒ මල්..
දිය කඩිත්තක සුළියකට හසුව
කැරකි කැරකී හිනැහෙන
කුඩමසු සමඟ එකවිට
දියමත රැඟුමකය
ඒ මල්….
බොල් පිණි අහුරු වැටෙන
පාළු නුග ගස පාමුල
සුළගෙන් විසිල මැලවුන පත්
සර සර හඬින් සොලවා
සීත මැදියම් රැයක
නීල වර්ණ දුමාරයක්ව
පුස් බැඳුණ සොහොන් කොතින්
නැඟිට අහසේ සරමි…
කලකට පෙර අතැර ගිය
නෑ සියන් හිත මිතුරන්
සිහින අතරට පිවිස
දොඩමළු වෙමි..තතු විචාලමි
ඔවුන්ගේ මතකයන් තුල
මා පිලිබඳ රැදුනු
මතකයන් අවදි කරවා
අතීතේ මැලවුන සුවඳ පොද
යන්තමින් හෝ විඳිමි…
නින්දෙන් අවදිව දිනක
ඔබේ දහවල ගෙවන විට
අකුණු සැරයක් සේ විටෙක
මා පිලිබඳ මතකය
මනස හරහා ඇඳී යානම්
එයින් දැනගන් සබඳ
පෙරදින සිහින සමයක
ඔබ හා මා එකට
එක තැනක මුණ ගැසුනු වග…
2010.07.07
සලළෙකු නොවෙමි මා
කළු කලද කොණ්ඩය..
මහළුව ලද දියණිය
නොකැමතිය මා සුදු කෙසට..
සීයා නොවෙමි මම
ඇගේ පියතුම මිසක……
නිවාඩුව එක්දිනයි සතියටම
යා යුතුය ඔබ අතැර ඉක්මන්ව
දින සතක ආලය
එක් දිනක දිය හැකිද?
සය දිනක් දිය නොලද පැලයකට
මුරුගසන් වරුසාව පලදේද?
නිදහස් සියොතුන් කිමිද යටි සුළඟේ
සුපාවෙයි මිදෙන තුරු ජවය අත්තටු අග
නහමින් තැඹිලිවන් උදෑසන හිරු රැස
අයිතිය තමාටයි පවසමින් නුබගැබ….
කූඩුවක සිරකල එකදු එක කුරුල්ලෙක්
ලොව දකින ඉදහිට, රැදවුමේ කවුලුවෙන්
දෙපා බැඳ දමා ඇති, පියාපත් සිඳ ඇති
කරයි සිය තුඩ විවර,ගයන්නට ගීතයක්…
කූඩු කල කුරුල්ලා ගයයි එක ගීතයක්
බියක් මුසු රාවයෙන්, නොදත් ලෝකය ගැන
උගේ ගී රාවය, කඳු මුදුන් පිස හමයි
කූඩුකල කුරුල්ලා නිදහසේ ගී ගයයි…
නිදහස් සියොතුන් සිතයි තව සුලං ගැන
තුරු තුලින් හමන, ගස් වැල් සෙමින් සිඹින
කඳ මහත පණුවන් උදෑසන පින්නේ සරන
මේ විසල් අහස් කුස මගේමයි…!
කූඩුකල කුරුල්ලා සිහිනයේ සොහොන මත
සෙවනැල්ල පවා ඌ රැයේ බියවද්දන
උගේ ගී රාවය, කඳු මුදුන් පිස හමයි
කූඩුකල කුරුල්ලා නිදහසේ ගී ගයයි…
කූඩු කල කුරුල්ලා ගයයි එක ගීතයක්
බියක් මුසු රාවයෙන්, නොදත් ලෝකය ගැන
උගේ ගී රාවයට කඳු මුදුන් සලිත වෙයි
කූඩුකල කුරුල්ලා නිදහසේ ගී ගයයි…
මායා ඇන්ජෙලෝයු විසින් රචිත, “I know why the caged bird sings” කවි පෙලෙහි, පූර්ණ සංක්ෂිප්ත පරිවර්තනය.
නොසිතු එක් මොහොතකදි
මඟහැරී බිම වැටී
ජීවිතේ පලඟාන
ඉරිතලා බිඳුනා…
බිඳුන ජීවිත කැබලි
එකින් එක ගනින විට
අත කැපී ලේ ගලයි
ඔබේ ආදරය ලෙස….
කුලුඳුලේ මගෙ
පෙම්වතිය වී
හදේ සුසුමන්
විඳපු කොට්ටය..
මගේ නිකලැල්
තරුණ සාරය
වසර ගනනක්
ඉරූ මෙට්ටය….
තේරෙන නොතේරෙන දෙමළින් ඇස් අගක
ඉනු උනු කඳුළු සඟවා හදවත් කොනක
සිප් කිරි බොන්න පොරකන දරු කැළ සඳක
සාවා දුටුව වැනි අඳුරුම මහ රැයක
ටකරන් මඩුව තල් අතුවැට පොත් මිටිය
පොඩිවුන ගවුම හොටු නාවර මුව පොඩිය
බූ ගෑ හිසක බර උසුලන කටු දෙපය
කිරි සුවඳක ඉඩ හසරැළි නැති හැඩය
වන්නි වනපෙතේ ඇවිලෙන ගිනි මැලය
සුළඟට කැරකි උඩ නැඟ එන මැසි කැලය
අව්වට කළු ගැහී වේලුන දරු පෙලය
වනයට සමාවක් ලතෙතක් නැති හැඩය
අකුලක පිපුණ ඈ කුසුමකි සුවඳ හිමී
අකුලේ වැනෙනු මිස කඳුරක සුව අහිමී
අකුලේ පිපී අකුලෙම පරවෙනු දකිමී
ඔය මුව සිනා මල් පිබිදෙන දින ගනිමී..
මඩකලපුව දිස්තිරික්කයේ මුරුතමුනයි ගම්මානයේ ශ්රී මමම්ගම් විදුහලේදී මට මුණ ගැසුන මේ දැරිවිය හඩන්නේ කිරි ඉල්ලා නොවේ…. ඉගෙනීමට, පොතක්, පෑනක්, පාසලක් ඉල්ලාය.ඈ ඉගෙනුම ලබන පාසලේ 5 වසරින් පසු පංති නැත. ලඟම ඇති අනෙත් පාසල කි.මී. 70 ක් දුරින් පිහිටා තිබේ. ඇය 5වසරින් පසු එක්කෝ ගෙදර නැවතිය යුතුය. නැතහොත් 5 වස්රේම රැඳී සිටිය යුතුය. එසේ 5 වසරේම වසර හතරක් පුරා අකුරු කරන දැරිවියන් කීප දෙනෙක් මේ පාසලේ සිටී.රැකියාව තුලින් හෝ මොවුන්ට කුඩා පිලිසරණක් වීමට ලැබීම මා ලද අගනා අවස්තාවක් යැයි මට සිතේ.
The Song of Despair
You swallowed everything, like distance
Like sea, like time.
In you everything sank!
It was the happy hour of assault and kiss
The hour of the spell that blazed like a lighthouse.
Pilots dread, fury of a blind driver,
Turbulent drunkenness of love,
In you, everything sank!
THE DICTATORS... (Original Poem)
An odor has remained among the sugarcane:
පොතේ හැටියට
අන්තිම දවස අද..
චන්දෙට මිනි මරන
කන් අඩි පලන…
පොතේ හැටියට
අන්තිම දවස අද..
හෙටක් නැති තරුන කැල
හන්දි ගානේ කොල බෙදන
හෙටක් හදා ගන්න
අන්තිම දවස අද
තාප්ප. පාප්ප.පෝස්ටර්
තාප්ප. පාප්ප.පෝස්ටර්
මදකට නිහඩ වෙන..
පොතේ හැටියට
අන්තිම දවස අද..
රූප පෙට්ටියෙන්
ගද මඩ වැගිරෙන…
පොතේ හැටියට විතරයි…
2010.01.23
© Blogger templates Shiny by Ourblogtemplates.com 2008
Back to TOP