>> Monday, December 20, 2010

කම්මැලිකමට දහවල් නිදිවැද
මැදියමේ යහනත පෙරළි පෙරළී සිටි සඳ
කවුළුවෙන් ආ සඳ දියත්තක
නොයෙක් කවිසිත් ගලා ආයෙය.

පසුවදා අළුයම
පිබිදී බලන සඳ
ඒ සියළු කවි සිත්
අමතකව ගොස් තිබිණි…



Read more...

ඔබේ උණුසුම

>> Thursday, December 16, 2010

බලා නෙත් කොණින් මා දෙස
රවා ගස්සා යොමා වෙන’තක
ඔබ හිඳ ගිය අසුන - බස්රිය කොනෙක
හිඳ ගනිමි මම, සඳ බැස ගිය සඳ….

ඔබේ උණුසුම තවම
බස් රිය අසුන මත………..

Read more...

මාළු…

>> Friday, December 10, 2010


පිළී ගඳ හමන
මාළු ලෑල්ලෙත්
මෙලෝ ගඳක් නැති
සුපිරි වෙළඳ සැලෙත්
විකුණන්නෙ
එකම මුහුදේ එකම මාළු…

2010.12.10


Read more...

නොසිඳෙන සෙනෙහෙ දිය….

>> Monday, October 25, 2010


දුරුතු රැය කලඹවා වහින
අනෝරා මහ වැස්සේ සිසිල
සිව් රියනක් යට නිදන
අම්මේ.. ඔබට දැනෙනවද?

තෙත පොලව කිඳාගෙන බසින
බොර සීතල මඩ දිය
අපට උණුසුම සැදූ ඇකයේ
ඉතිරි උණුසුම සොයනවද?

දෙතනේ කිරට හැරවූ ලෙය
සරු පොහොර බිඳක් වී
මිහිකත සනහා ගලයි
නොසිඳෙන සෙනෙහෙ ගඟුලක් ලෙස…

ඔබෙන් මිදුණු අන්තිම සුසුම් පොද
තවමත් සුව සදයි අම්මේ
උදේ රෑ ගත සිඹින
සීත පවන් රොදක් ලෙස….

මිය ගියත් තාත්ත්වික ලොවින්
මිය නොයන මසැසින් දකින සෙනෙහස
ඇස් අගින් වට කඳුලක් සේ
තුෂාරයක බබලයි…..



Read more...

රෝහල් අහස…

>> Saturday, October 23, 2010

ගිලිහෙන්නට තනන ජීවන රිද්මය
කෙසේවත් රඳාගන්නට නොහී
නික්මෙන සියදහස් මිනිස් ආත්ම
මොහොතකට නවතින නවාතැන්පල…..

කෙටි කලක් - දිගු කලක්
සෙවණ දුන් දුඟඳ පිරි සිරුරු දෙස
ඒ වටා වැලපෙන සුහද කැල
අවසන් වරට දෙස් දෙවන…

නැවත මව් කුසක්
සොයා අරඹන්නට
නිමක් නැති සංසාර දිගු ගමන
විදුළි සැරයක් සේ
එකවිටම නික්ම යන…





Read more...

සිගරැට්…

>> Sunday, October 3, 2010


කඩදහියක දැවටූ
දුම්කොළ සුඟක්
එක් කොනක ගින්දරක්
අනෙක් කොන බූරුවෙක්..!


මේක ෆේස්බුක් එකේ තිබිල හම්බ වෙච්ච කව්යක ට්රාන්ස්ලේශන් එකක්. සරල වුනත් අර්තවත් නිසා සිත් ගන්නා සුළුයි…


Read more...

අපි තවමත් ඒ කාලෙද?

>> Saturday, September 25, 2010

තාත්තා කිව්වා මතකයි මට
රජමැතිවරු වඩිනකොට 
මහපාරේ
ඒ කාලේ
හුදී ජනයා කාණුවට බැස්සලු
හිස නමා දණ ඔබා ආචාර කෙරුවලු..

අද හැන්දෑවෙ ගෙදර එද්දි
ඇස් නිලංකාර වෙන නිල් එලිමැදින්
ඇමති පුතෙක් පාරෙ යද්දි
මමත් බේරුනේ
කාර් එක කානුවට කපලා

අපි තවමත් ඒ කාලෙද?



Read more...

පොත් සලකුණ

>> Sunday, September 5, 2010

ජීවිත පොතේ
නැවතුන තැන් සිහිකරවන
පොත් සලකුණ
ඔබ….



Read more...

වැස්ස…


සුළගේ නැටූ අතු රිකිළි
මොහොතකට නිහඬ කර
උණුසුම් සුලං පොලවට එවන
අහස් කුස දෙබෑ කර විදුළිය මවන….

නැවුම් සුවඳ පොදකින් නාස්පුට හකුළුවන
දුඹුරු දුමාරයක් අහසට නඟන
ටක් ටක් හඬින් වැහි බිඳු මවන
මිහිකත දෙදරවා කම්පා කරන…

පිට දිගේ සිසිලට ඇදෙන
දහඩිය කදුළු බිඳු සේ
ගස් කඳන් මත සුදු ඉරි අදින
සීත දිය බිඳු මිහිකත සිඹින…

පිලිවෙලට නැටූ ගොයම
අවුල් කල හිසකෙස් රොදක් ලෙස
ගිලිහුනු වියැට නව පණ දෙවන
බොල් වී අහුරු දුරටම යවන..

වැස්ස…….

2010.08.28

Read more...

මලක මහිම..

>> Sunday, August 29, 2010


පිනි පෙඟුන අතු අගිස්සක
නටුවක්ව පිළසිඳ
සියක් පෙති විදා හිනැහෙන
කුසුමක සුවඳ
මේ උදෑසන..

මිහිකත නිවා සනහන
සිහින් පොදවැස්සකට හසුව
නටු අගින් ගිලිහෙත
එක දෙකක් ඒ මල්..

දිය කඩිත්තක සුළියකට හසුව
කැරකි කැරකී හිනැහෙන
කුඩමසු සමඟ එකවිට
දියමත රැඟුමකය
ඒ මල්….



Read more...

බිලාල සිහිනය…

>> Tuesday, July 13, 2010


බළලෙකු සැතපෙන අපූරුව බලන්න…
පාද කොට්ටා තුල උල් නිය සඟවාගෙන
දුඹුරු පැහැ වලිගය පිලිවෙලට තබාගෙන ..
අපිලිවෙල තැන්නක-විසිල අඩ කව වැනි
කළුවන් සම පත්ලේ -හැඟීම් විරහිත ලෙය
නිසොල්මන්ව - නිසසලව……

බළලෙකු සේ සැතපීමට ප්රිය කරමි මම…
කාලයේ සිනිඳු ලොම් තුල .
වියලි රාග ගින්න පිරිමැද
කළුගලක් සේ ගොරෝසු දිවෙන් ,
පියසි හා මිටියාවත් ඉහලින්
විහිදා මා ගත - කිසිවෙකු හා නොදොඩාම
ආශාවෙන් මන්මත්ව
ගොදුරු ලුහුබඳින්නට - මගේ සිහින තුල ….

බළලුන් නිදන සැටි දැක තිබේ මම …
රාත්රිය අඳුරු පැහැ දිය මෙන්
පසු කර තරඟ ලන සැටි නොතකාම ..
විටෙක සීත හිම කඳු මුදුනින්
පහලට ඇදවැටෙයි නොසිතාම..
බිළාලයන්ගෙ මුතුන් මිත්තන් මෙන්
බොහෝ දුර ගොස් නිදි දෙව් දුව සමඟ
වලාකුළු , උස් පියසි, ගිනි කඳු මුදුනින්
අඳුර තුලටම පිමි පනින…

උත්කෘෂ්ට බිශොප්වරයෙකු මෙන්
නිදියන් ,නිදියන් , රැයේ බිළාලය..
ඔබේ ශක්තිමත් වලිගයේ බලයෙන්
කළු ඝනැති උඩු රැවුල් පහසින්
රැක දෙන්න මගේ සිහින සැම
මෙහෙයවන්න අඳුරේ සරන සිත….

පැබ්ලෝ නෙරූඩා විසින් රචිත, “cats Dream” නම් කවි පෙලෙහි පූර්ණ , සංක්ෂිප්ත පරිවර්තනය.


Read more...

ඔබේ ලොවෙන් මගේ ලොවට….

>> Friday, July 9, 2010


බොල් පිණි අහුරු වැටෙන
පාළු නුග ගස පාමුල
සුළගෙන් විසිල මැලවුන පත්
සර සර හඬින් සොලවා
සීත මැදියම් රැයක
නීල වර්ණ දුමාරයක්ව
පුස් බැඳුණ සොහොන් කොතින්
නැඟිට අහසේ සරමි…

කලකට පෙර අතැර ගිය
නෑ සියන් හිත මිතුරන්
සිහින අතරට පිවිස
දොඩමළු වෙමි..තතු විචාලමි
ඔවුන්ගේ මතකයන් තුල
මා පිලිබඳ රැදුනු
මතකයන් අවදි කරවා
අතීතේ මැලවුන සුවඳ පොද
යන්තමින් හෝ විඳිමි…

නින්දෙන් අවදිව දිනක
ඔබේ දහවල ගෙවන විට
අකුණු සැරයක් සේ විටෙක
මා පිලිබඳ මතකය
මනස හරහා ඇඳී යානම්
එයින් දැනගන් සබඳ
පෙරදින සිහින සමයක
ඔබ හා මා එකට
එක තැනක මුණ ගැසුනු වග…

2010.07.07


Read more...

කළු කොණ්ඩය..

>> Friday, June 18, 2010


සලළෙකු නොවෙමි මා
කළු කලද කොණ්ඩය..

මහළුව ලද දියණිය
නොකැමතිය මා සුදු කෙසට..

සීයා නොවෙමි මම
ඇගේ පියතුම මිසක……



Read more...

වරුසාව…

>> Thursday, June 17, 2010


නිවාඩුව එක්දිනයි සතියටම
යා යුතුය ඔබ අතැර ඉක්මන්ව
දින සතක ආලය
එක් දිනක දිය හැකිද?

සය දිනක් දිය නොලද පැලයකට
මුරුගසන් වරුසාව පලදේද?



Read more...

කූඩු කල සියොතුන් ගී ගයන්නේ කිම?

>> Wednesday, June 9, 2010


නිදහස් සියොතුන් කිමිද යටි සුළඟේ
සුපාවෙයි මිදෙන තුරු ජවය අත්තටු අග
නහමින් තැඹිලිවන් උදෑසන හිරු රැස
අයිතිය තමාටයි පවසමින් නුබගැබ….

කූඩුවක සිරකල එකදු එක කුරුල්ලෙක්
ලොව දකින ඉදහිට, රැදවුමේ කවුලුවෙන්
දෙපා බැඳ දමා ඇති, පියාපත් සිඳ ඇති
කරයි සිය තුඩ විවර,ගයන්නට ගීතයක්…

කූඩු කල කුරුල්ලා ගයයි එක ගීතයක්
බියක් මුසු රාවයෙන්, නොදත් ලෝකය ගැන
උගේ ගී රාවය, කඳු මුදුන් පිස හමයි
කූඩුකල කුරුල්ලා නිදහසේ ගී ගයයි…

නිදහස් සියොතුන් සිතයි තව සුලං ගැන
තුරු තුලින් හමන, ගස් වැල් සෙමින් සිඹින
කඳ මහත පණුවන් උදෑසන පින්නේ සරන
මේ විසල් අහස් කුස මගේමයි…!

කූඩුකල කුරුල්ලා සිහිනයේ සොහොන මත
සෙවනැල්ල පවා ඌ රැයේ බියවද්දන
උගේ ගී රාවය, කඳු මුදුන් පිස හමයි
කූඩුකල කුරුල්ලා නිදහසේ ගී ගයයි…

කූඩු කල කුරුල්ලා ගයයි එක ගීතයක්
බියක් මුසු රාවයෙන්, නොදත් ලෝකය ගැන
උගේ ගී රාවයට කඳු මුදුන් සලිත වෙයි
කූඩුකල කුරුල්ලා නිදහසේ ගී ගයයි…

මායා ඇන්ජෙලෝයු විසින් රචිත, “I know why the caged bird sings” කවි පෙලෙහි, පූර්ණ සංක්ෂිප්ත පරිවර්තනය.



Read more...

ඔබ, මම සහ කාලය..

>> Tuesday, June 8, 2010


එදා හැමූ
මල් සුවඳ වෙනුවට
අද ඔබ ලඟින් හමන
සිද්ධාලේප 
බාම් ගඳ…..

Read more...

ලේ…

>> Saturday, May 15, 2010


නොසිතු එක් මොහොතකදි
මඟහැරී බිම වැටී
ජීවිතේ පලඟාන 
ඉරිතලා බිඳුනා…

බිඳුන ජීවිත කැබලි
එකින් එක ගනින විට
අත කැපී ලේ ගලයි
ඔබේ ආදරය ලෙස….


Read more...

බෝඩිමේ ඇඳ….

>> Monday, May 10, 2010

කුලුඳුලේ මගෙ
පෙම්වතිය වී
හදේ සුසුමන්
විඳපු කොට්ටය..

මගේ නිකලැල්
තරුණ සාරය
වසර ගනනක්
ඉරූ මෙට්ටය….



Read more...

අබිසරුලියගේ පෙම් ගීය….

>> Friday, May 7, 2010

සබඳ ඔබ දනී නම්
ඔබ පතන මා සුරත
සිදාදියේ සියක් අත් හා 
වෙලෙන බව එක දිනක..

ඔබගේ නොයිඳුල් හාදුවකින්
කිති කවන්නට පතන දෙලවන
සීතල, උණුසුම් කම්මුල් පහසින්
මැරි මැරී යලිත් උපදියි…

නැති බැරි කමට ඇඟ වික්කට
ගමට කලුවර එනකොට
කියන්නේ කෙලෙස මම
අබිසරු ලියක් බව
මා අතම පතන ඔබට?


Read more...

කැලෑවට පිපුනු මල්..

>> Thursday, April 29, 2010


තේරෙන නොතේරෙන දෙමළින් ඇස් අගක
ඉනු උනු කඳුළු සඟවා හදවත් කොනක
සිප් කිරි බොන්න පොරකන දරු කැළ සඳක
සාවා දුටුව වැනි අඳුරුම මහ රැයක

ටකරන් මඩුව තල් අතුවැට පොත් මිටිය
පොඩිවුන ගවුම හොටු නාවර මුව පොඩිය
බූ ගෑ හිසක බර උසුලන කටු දෙපය
කිරි සුවඳක ඉඩ හසරැළි නැති හැඩය

වන්නි වනපෙතේ ඇවිලෙන ගිනි මැලය
සුළඟට කැරකි උඩ නැඟ එන මැසි කැලය
අව්වට කළු ගැහී වේලුන දරු පෙලය
වනයට සමාවක් ලතෙතක් නැති හැඩය

අකුලක පිපුණ ඈ කුසුමකි සුවඳ හිමී
අකුලේ වැනෙනු මිස කඳුරක සුව අහිමී
අකුලේ පිපී අකුලෙම පරවෙනු දකිමී
ඔය මුව සිනා මල් පිබිදෙන දින ගනිමී..

මඩකලපුව දිස්තිරික්කයේ මුරුතමුනයි ගම්මානයේ ශ්රී මමම්ගම් විදුහලේදී මට මුණ ගැසුන මේ දැරිවිය හඩන්නේ කිරි ඉල්ලා නොවේ…. ඉගෙනීමට, පොතක්, පෑනක්, පාසලක් ඉල්ලාය.ඈ ඉගෙනුම ලබන පාසලේ 5 වසරින් පසු පංති නැත. ලඟම ඇති අනෙත් පාසල කි.මී. 70 ක් දුරින් පිහිටා තිබේ. ඇය 5වසරින් පසු එක්කෝ ගෙදර නැවතිය යුතුය. නැතහොත් 5 වස්රේම රැඳී සිටිය යුතුය. එසේ 5 වසරේම වසර හතරක් පුරා අකුරු කරන දැරිවියන් කීප දෙනෙක් මේ පාසලේ සිටී.රැකියාව තුලින් හෝ මොවුන්ට කුඩා පිලිසරණක් වීමට ලැබීම මා ලද අගනා අවස්තාවක් යැයි මට සිතේ.



Read more...

නාටාමි.

>> Sunday, April 25, 2010

හිස බිමට නවාගෙන
දෙතොල් පට විකාගෙන
මහතුනේ රැගෙන යන ඔය බර
මොහොතකට මට දෙන්න.

හිස මදක් කෙලින් කොට
හොඳින් හුස්මක් ගන්න
මා දකින පිපෙන ඉර
ඔබත් දැන් නරඹන්න.

මේ මහා බර පොදිය
යලිත් ඔබ අරගන්න
මගෙන් වූ සේවයට
සන්තෝසමක් දෙන්න…


Read more...

බිඟු හරය…?

>> Thursday, April 22, 2010


කළු දෙබරු
කරනු කිම
කුසුම් මත?

රොනට ආ
බිඟු මරා
කුස ලන්න
ඒ…?


Read more...

ඔය බිමේ මා නොමැත..

>> Thursday, April 15, 2010

සුසානේ කෙලවරක
කොල හැළුන බිම් කඩක
අඩි හතක් පොලව යට
දිරාගිය ඇට කැබලි…

ඒ මගේ සොහොන් කොත.

පැමිණ ඒ වල ළඟට
ඔබා දණ යුගල බිම
සොඳුර ඔබ නොහඬන්න.

ඔය බිමේ මා නොමැත…..

ඔබෙන් ගවු ගනන් දුර
නැවුම් මවු කුසක් තුල
අලුත් බිලිඳෙක් විලස
යලිත් මා ඉපිද ඇත….

දිරූ ඇට කැබලි මිස
ඔය බිමේ මා නොමැත..


Read more...

ඔබේ තත්සර

>> Thursday, April 8, 2010

මේඝයක් සේ හමා දැවටෙන
ඔබේ තත්සර හඬට මුසුවී
සීත මැදියම එකලු කරමින්
නිවා සනහයි මහද 
මිහිරිය…

පිපී හිනැහෙන සීත අලුයම
පිනිබිදිති රැදි කුසුම් පොකුරක
නිරාමිස වූ සිඟිති රාවය
හදින් කුල්මත් වෙමින් සැනහෙමි

ජීවිතේ අනිමිස විරාගය
මදක් සනහන සිත් විරාමය
ඔබේ රතැඟිලි තුඩක දැවටී
පසක් කරවයි දිවි මහෝඝය..


Read more...

විද්යුත් මාද්යය තුල කවිය කොය්බටද?.

>> Wednesday, March 31, 2010

ලන්කාවේ ජනප්රියම කවියා විල්බට් අඹලතලාව යැයි මිතුරෙක් දිනක් මා හා පැවසීය. හුදු හාස්යය උදෙසාම වූ ප්රකාශයක් වුවත් එහි මතුපිට පෙනෙන අර්තයට වඩා ගැඹුරක් ඇතැයි වැඩිදුර කල්පනා කිරීමේදී පැහැදිලි වේ.
විල්බට් අඹලතලාව ලියූ ‘බස් කවි’ ප්රදාන බස් නැවතුම්පලවල් අසල පදික වේදිකාවලින් රුපියල් පනහකට ස්ටිකර් වශයෙන් මිලදී ගැනීමට පුළුවන.රුපියල් විස්සට මිලකල කවිද ඒ අතර නැතුවාම නොවේ. බොහෝ කෙටිගමන් සේවා බස්රත වල මෙවන් උපදේශාත්මක කවි පන්ති අලවා තිබෙනුද දක්නට ලැබේ.
කයන්න වියන්න මන්ගල කලාපයේ පිටපත් කිහිපයක් කිහිප දෙනෙකු අතර බෙදාහැරීමට දැරීමට වූ අපරිමිත උත්සාහය, ඉහත ප්රකාශය හාස්යයට වඩා සත්යයට කොතරම් සමීපදැයි මනාව පසක් කර දෙයි.
කවිය හා ගීතය බොහෝවිට එකිනෙක බැදී පවතී. ගීත බවට පත්වූ කවි සන්ක්යාව අතිමහත්ය. මහගම සේකරයන්ගේ බහුතර ගීත කවි වශයෙන් පලමුව ලියවුනු බව කවි ගැන උනන්දුවක් දක්වන බොහෝ දෙනා දනිති. ගීතය යනු ආයාසයෙන් හෝ අනායාසයෙන් ශ්රවනය වන මාද්යයක් වුවත් කවි යනු බොහෝදුරට ආයාසයෙන් ඇසුරු කල යුතු මාද්යයකි.
කලා මාද්යයන් අතරින් ගීතය යනු මෑත ඉතිහාසයේ ඉතාම පරිහානියට ලක්වූ මාද්යයක් බව අනිවාර්යයෙන්ම සැලකිය යුතුය. බටහිර සන්ගීත සම්ප්රදායන් අමු අමුවේ කොපි කර, කොත්තුරොටී සන්ගීතය යොදා, පියයුරු දෙකලවා අඩු වැඩි වශයෙන් නිරාවරනය වන පරිදි යුවතියන් පෙනී සිටින රූප රචනා ඇති, අන්තර්ජාලය හරහා නොමිලේ බෙදාහරින, සතියෙන් දෙකෙන් ඉවත විසිකල හැකි ‘ඩිස්පෝසබල්’ වර්ගයේ ගීත පැය විසිහතරම පුරා විවිද මාද්යයන් ඔස්සේ ජනතාවගේ කන් තුලට එබ්බවීම සිදුකෙරේ. නදීක ගුරුගේ, කසුන් කල්හාර වැනි අල්පයන් කිහිප දෙනෙකුගේ ගීත හැරෙන්නට සාර්තක නව නිර්මාන බිහිවන්නේ ඉතාම අල්ප වශයෙනි.
ගීතය මේ තත්වයෙන් පවතිද්දී කවිය ස්ර්ව්ය දුශ්ය මාද්ය හරහා කිනම් ආකාරයකින්වත් සමාජ ගත්වන්නේ නැති තරම්ය. පෙර දැක්වූ පරිදි බස් කවි වැනි ප්රාතමික කවි රටාවන් හැරෙන්නට අපට කවියක් ඇසෙන්නේ කුමන අවස්තාවන්හිද? පන්සල් වල පොහෝ දින වල වාදනය කරන කවි බන, සල්පිල් කවි හෝ තොරණ කවි වැනි මූලික කවි සම්පරදායන්ට අමතරව ස්ර්ව්ය මාද්ය හරහා ඔබ කිසිවෙක් කවි අසා තිබේද?
මෙයට තර්කයක් හෝ පිලිතුරක් වශයෙන් මුද්රිත මාද්ය වල ‘කවි පිටු’, කවි මඩු , කවි සන්වාද වැනි දෑ ඇතමෙක් ගෙනහැර දක්වන්නට පුළුවන. අවාරයට පොල් වැටෙන්නාක් මෙන් පවත්වන කවි සන්වාද, කවි මඩු හා ඒවායේ පොදුජන නියෝජනය නොගිනිය හැකි තරම් අල්පය. මුද්රිත මාද්ය වල කවි පිටු කොතරම් වගකීමකින් කවිය සමාජ ගත්කරයිද යන්න සන්වාදයට බදුන් කලම යුතු කාරනයකි.
ඇතැම් පුවත්පත් වල කවි පිටු එක් රාමුවකට කොටුවී , ඒ රාමුවෙන් පිටත සිට කවිය අත්විදිනු කැමැත්තෝ ඒ රාමුවෙන් පිටතම රදවා තැබීමට උත්සුක වෙති.කවි පිටුවකට තැපැල් කරනු ලබන කවියක් මාස ගනනාවකට පසු පලවන අවස්තා විරල නොවේ. රාජ්ය හිතවාදී මාද්ය වල යම් දේශපාලන ප්රචාරනයක් පලකිරීමට අවශ්ය වූ විට මුලින්ම කපාහරින්නේ කවි පිටුව බව ඔබ නිරීක්ශනය කර තිබේද?
හැත්තෑව, අසූව දශක වල බිහිවූ කවිතරු අතර දැනුදු අප සැරිසරමු.අතීතයේ ඒ සුවද පොද ඉවකර හෝ යම් කාව්යමය රසාස්වාදයක් විදීමට අපරිමිත උත්සායක් දරන්නෙමු. කිසිදා ඇස නොගටුනු, කිසිදා හඩ හෝ අසා නැති සේකරයන්, චන්ද්රකුමාර වික්රමරත්නයන් වැන්නවුන්ට අපි නැවත නැවතත් පෙම් බදින්නෙමු.ඒ මහා කවි වෘක්ශයන්ගේ ආභාශය ලැබූ, ගුරුහරුකම් ලැබූ ඇතැම් කාව්ය හැකියාවන් ඇත්තෝ අදද අප අතර වෙසෙති. මෙවැන්නෝ ආදුනිකයන්ට අත දීම වෙනුවට තම නිසඟ හැකියාවන් මුදලට විකිනීමේ හා වන්දිභට්ට ගායනා රචනයේ නිරතව සිටිති. 
වසරකට වරක් විශ්ව විද්යාල මගින් පවත්වනු ලබන වාර්ශික කලා උලලේත්, රාජ්ය සාහිත්ය උලලේදීත් තෝරාගන්නා සීමිත කවි අත්පිටපත් කීපයක් අනුග්රහය යටතේ මුද්රන ද්වාරයෙන් කල එලි බසිති.අතිමහත් වෙහෙසක් දරා කාලය කැප කර කවි පොතක අත්පිටපතක් ලියාගන්නා සෙස්සෝ ප්රකාශන ආයතනයකින් ප්රකාශන ආයතනයකට පාද චාරිකාවේ යෙදෙති. නැතහොත් යම්කිසි මුදලක් සියතින් වියදම් කර සිය නිර්මාන පොතක් ලෙස කල එලි දක්වති. කවි පොතක් එලි දක්වා ඉන් පිටපත් සියයක් අලෙවි කරගැනීම යනු අදකාලයේ ඉතා දුශ්කර කර්තව්යයකි. එයින් ගම්ය වන්නේ අද සමාජය තුල කවියට පිලිගැනීම අල්ප, එසේත් නැතිනම් ශුන්ය තත්වයකට පත්ව ඇති බවද, එසේ නැතහොත් ඉල්ලුමට අනුව සැපයීම විනා අන් කිසිවක් සමාජය තුල සිදු නොවන බවද?
නූතන කවීත්වයේ නව ප්රවනතාවන් අන්තර්ජාලය හරහා කල එලි බසින්නේ මෙවන් වාතාවරනයක් තුලය. මූලිකව විද්යුත් තැපෑල තුල මිතුරන් අතරේ මට්ටමෙන් හුවමාරු වූ කවි, අද වන විට විවිද නිදහස් වෙබ් අඩවි හරහා, අන්තර් ජාල කවි සමාජ හා එකමුතු හරහා කල එලි බසිමින් තිබේ. දෙපැත්ත කැපෙන පිහියක් මෙන් මුවහත් මෙම තත්වය විහිදී යන පරාසයන් බොහෝය. 
මෙම නව කවි ප්රවනතාවය කෙරෙහි ප්ර්වීණ කවීත්වයේ ඇස මෙතෙක් යොමු වී නොමැත. හුදෙක් ආත්ම තෘප්තිය සදහා හෝ සීමිත මිතුරු කැලකගේ දිරි ගැන්වීම් තුල සිදුවන මෙම කාව්යමය මුදා හැරීම් අන්තර්ජාලයෙන් පිටත වෙසෙන බහුතර වෙත ගෙනයාමේ කිසිදු වැඩ පිලිවෙලක් මෙතෙක් දියත් වී නොමැත. සීමිත අන්තර්ජාල කවීන් පිරිසක් තම නිර්මාන මුද්රන ද්වාරයෙන් පිට කිරීමට සමත් වී ඇතත්, බහුතරයකගේ සාර්තක නිර්මාන අන්තර්ජාලය තුල පාවෙම්න් පවතී.මෙවන් කවි යම් ඇගයීම් පටිපාටියකට යටත්ව සමාජගත කිරීමක් වන්නේ නම් එය ශ්රී ලාන්කීය කවීත්වයේ නිම් වලලු තවතවත් පුලුල් කිරීමට මහෝපකාරී වනු නොඅනුමානය.
කවිය සමාජගත කිරීමේ වගකීම මාද්ය වලට අමතකව ගොස් ඇත්තේ පවතින කර්මයේ වරදක්ද, රසඤතාවය මොට වී යාමේ ප්රතිපලයක්ද, එසේත් නැත්නම් ඉල්ලුමක් නැතිකමද යන්න අදටත් පිලිතුරු නැති පැනයකි.

යන්න වියන්න මාසික කවි පුවත්පතේ තුන්වන කලාපයට ලියූ ලිපියකි.


Read more...

පින් පව්…

>> Saturday, March 27, 2010



හරක් 
ලොරියක්
නවත්තලා
බෝධිය ළඟ
පඩුරු දාන්න…



Read more...

කූඹි../Koombi

>> Tuesday, March 23, 2010

ලැමහස පිරුණ ළඳක්
හැසිරෙන තරුණ පෙලක්..

ඉහිරුන සීනි පොදක්
පසුපස කූඹි රැලක්….

Read more...

B.O.X

>> Sunday, March 21, 2010

එළි නිවී ගොස්
තිරය එසවෙයි
රැඟුම් රැඟුමට
රඟහලේ….

තිරය එසවෙයි
රාග රැඟුමට
අඳුරු කුටියක
පසු පෙලේ…..

Read more...

තරුණ - මහලු…

>> Tuesday, March 16, 2010


සෝපානය
ඉහල එනතුරු
රැදී සිටින
මා පසුකර
පියගැට නඟින
මට වඩා මහලු
ඔබ…


Read more...

අලුත් වැස්ස…..

>> Saturday, March 13, 2010


කලකට පසු
වහින වැස්සේ
සුවය විදිමි මම
සිරව සඳලුතලයක
ගිනිගත් කොලොම්පුරවර……

වැසි දියෙන් පෙඟී
රත්වුනු ගොඩනැඟිලි
ගිනියම් තාරපාර
දුඹුරු හුමාලයක්
සෙමින් අහසට නගයි
නාස්පුට උනුහුමින් 
කිතිකැවී යයි…..

දිවයන මිනිසුන්
නලා හඬවන වාහන
වයිපරයට පිස දැමෙන වතුර
උතුරන කුනුකාණු
නාවර පෙරන ගොඩනැගිලි
කැලඹුනු කාක්කෝ
එහෙමෙහෙ විසිවන
උඩුසුලඟට හසුව….

ගමට වහින වැස්සේ
ගස්වැල් තුටින් නැටුවා
කුරුලු කොබොයියෝ
තුටු ගී ගැයුවා
ගොවියෝ දෙවියන්ට පින් දුන්නා
තාමත් පැහැදිලි මතකය

ඒ උනුසුම් සුවය විදින්නට
මේ මහ වැස්ස අස්සේ
ගම යන්ට හිතයි මට…..



Read more...

නපුරු මිසී……….


මුවින් එන හලාහල විස
නෙතින් එන පාරජම්බුල කිරණ
එකට ගෙන
සිලින්ජරයකට
සෙනෙහස පිදිය යුතු ගිලනුන්ට
මරනයේ එන්නත විදින
සාතන්ගේ ලොකුදුවද
උඹ…..?

Read more...

නෂ්ටාපේක්ෂාවේ ගීතය…..


ක්ෂිතිජය මෙන්
සියල්ල ගිල ගත්තේය ඔබ…
සමුදුර ලෙස - කාලය ලෙස…
සියල්ල කිඳී ගියේය ඔබ තුල..!
පටලැවීමේ හා සිපගැනීමේ
සුභ හෝරාව එය විය….
පහන් ටැඹක් සේ දිදුලන
ආකර්ෂනයේ හෝරාව එය විය…
නියමුවාගේ තැතිගැන්ම….
නෙත් අද රියදුරුගේ වියරුව….
ආදරයේ ආකූල වූ වෙරිමත…..
සියල්ල කිඳී ගියේය ඔබ තුල..!


පැබ්ලෝ නෙරූඩාගේ “The Song of Despair” කවිපෙලෙහි සන්ක්ෂිප්ත පරිවර්තනය……


The Song of Despair

You swallowed everything, like distance
Like sea, like time.
In you everything sank!
It was the happy hour of assault and kiss
The hour of the spell that blazed like a lighthouse.
Pilots dread, fury of a blind driver,
Turbulent drunkenness of love,
In you, everything sank!


Read more...

THE DICTATORS…..

>> Wednesday, March 10, 2010


THE DICTATORS... (Original Poem)

An odor has remained among the sugarcane:

a mixture of blood and body, a penetrating
petal that brings nausea.
Between the coconut palms the graves are full
of ruined bones, of speechless death-rattles.
The delicate dictator is talking
with top hats, gold braid, and collars.
The tiny palace gleams like a watch
and the rapid laughs with gloves on
cross the corridors at times
and join the dead voices
and the blue mouths freshly buried.
The weeping cannot be seen, like a plant
whose seeds fall endlessly on the earth,
whose large blind leaves grow even without light.
Hatred has grown scale on scale,
blow on blow, in the ghastly water of the swamp
with a snout full of ooze and silence 

Read more...

හදිසිය…. Hadisiya…

>> Tuesday, March 9, 2010

Read more...

පැනි කුරුලු ජෝඩුවක්…….. Pani Kurulu Jooduwak…

>> Saturday, March 6, 2010

Read more...

කැපකිරීම…..Kapakireema….

>> Saturday, February 20, 2010

Read more...

පඬුරු…. Panduru….

>> Saturday, February 13, 2010

Read more...

ආදරනීය විජය…. Dear Vijaya…

Read more...

Serch for Love….සෙනෙහස කොතනද මම සොයමි සිතින්….

>> Friday, February 12, 2010

Read more...

ගජයා කොහිද?

>> Thursday, February 4, 2010

Read more...

Democracy

>> Wednesday, February 3, 2010

Read more...

සීයගේ මලගම……

>> Monday, February 1, 2010

Read more...

දිග කතාවක්….. Diga Kathawak…

>> Thursday, January 28, 2010

Read more...

පොතේ හැටියට ……………

>> Saturday, January 23, 2010

පොතේ හැටියට
අන්තිම දවස අද..
චන්දෙට මිනි මරන
කන් අඩි පලන…

පොතේ හැටියට
අන්තිම දවස අද..
හෙටක් නැති තරුන කැල
හන්දි ගානේ කොල බෙදන
හෙටක් හදා ගන්න

අන්තිම දවස අද
තාප්ප. පාප්ප.පෝස්ටර්
තාප්ප. පාප්ප.පෝස්ටර්
මදකට නිහඩ වෙන..

පොතේ හැටියට
අන්තිම දවස අද..
රූප පෙට්ටියෙන්
ගද මඩ වැගිරෙන…

පොතේ හැටියට විතරයි…

2010.01.23

Read more...

පලක් නම් ලොවට…Palak Nam Lowata…

>> Friday, January 22, 2010

Read more...

නාගරික සැන්දෑව….Naagarika Sandhaawa…

Read more...

අවසන් මොහොත…. Awasan Mohotha…

Read more...

අනේ මන්දා….. Ane Mandhaa….

Read more...

පෙම්වතිය මම වෙමි……Pemwathiya mama wemi…

>> Wednesday, January 20, 2010

Read more...

සදාදර ගුරු මවුනි….Sadadara guru Mawuni….

>> Friday, January 15, 2010

Read more...

මගේ ගම….Mage Gama…

>> Sunday, January 10, 2010

Read more...

119

>> Saturday, January 9, 2010

Read more...

බෝඩිමේ නිවාඩු දවස…….bodime Niwadu Dawasa….

>> Monday, January 4, 2010

Read more...

මගේ පෑතුම………. My wish…..

>> Friday, January 1, 2010

Read more...
Free counters!

  © Blogger templates Shiny by Ourblogtemplates.com 2008

Back to TOP