>> Tuesday, May 31, 2011
බස් එක
කොට කොට නොසිට
ඉක්මනට ගෙදර යා ….
අද පඩි දවස ….
පුතාට ගත් හිම කිරම
දැනටමත් බාගයක් දිය වෙලා…
හිම කිරම = ice cream
2011.03.11
බස් එක
කොට කොට නොසිට
ඉක්මනට ගෙදර යා ….
අද පඩි දවස ….
පුතාට ගත් හිම කිරම
දැනටමත් බාගයක් දිය වෙලා…
හිම කිරම = ice cream
2011.03.11
මේ සීමා මායිම් කඩුළු පැන
මී විතක් ගෙන - ගී පොතක් ලඟ
ඇස් අඩවන් කර සම්මෝහ නිද්රාවක
ගී ලියන්නට සිතෙයි මට…..
වැලි බදාම හුණු කුඩු අතරේ
කටු ගෑ සටහන් සිතුවම් අතරේ
මා ආසා කල හද බැඳි කවි සිත
කෙමෙන් කෙමෙන් මිය ඇදෙන්න යාවිද?
2011.03.05
පෝය සඳේ සුදු සඳ රැස්
පෙරී අවුත් පත් අතරින්
සවස අමැදි බෝ මළුවේ
බුදුරුව සිතුවමට නඟයි….
නිසසල මුකුලිත කොඳ මල්
රෑ අඳුරේ ඇහ ඇරවා
රෑ කොවුලෙක් මියුරු හඬින්
බුදුගුණ ගායනා කරයි …..
සිතට ගතට සුවය ගෙනෙන
තෙත් බර මදරැලි පවනැල්
ඈත ලොවක හමා ඇදී
දෙව්බඹු මෙලොවට වඩවයි…….
2011.05.07
තෙමිච්ච ලෙච්චමී
තේ පඳුර ලඟ
තෙමිච්ච කිකිළි වගේ
කකුල දිගේ නගින කූඩැල්ලෝ
ඇඟිලි තුඩින් ගෙන
තේ පඳුරු මත ….
කොටම කොට කලිසම් අඳින
ත්රී රෝසස් සිගරැට් බොන
වත්තෙ පුල්ලෙ
ජීප් කට්ටේ ටවුමට ගිහින් එන ගමන්…
තෙත සාරිය විනිවිද පෙනෙන
ලෙච්චමීගෙ රූ සපුව
සුරුස් ගා නෙත් කොනින් උඩට ඇද
ජීප් කට්ටේ එල්ලෙන්ට
මහත්තයා අඬ ගසයි ඇයට…
“එපා මාතියා… මම පෂ්ෂේ එන්නම්”
කකුලේ එල්ලෙන
කොට මහත ලේ බුබුළු කූඩැල්ලෝ
පුල්ලෙට වඩා තවත්
ලේ බොන කූඩැල්ලෝ කොහිද?
තෙමිච්ච ලෙච්චමී
තවමත් තේ පඳුර ලඟ
කූඩැල්ල ලේ නොබී යන්න ගිහින්…
2011.04.28
© Blogger templates Shiny by Ourblogtemplates.com 2008
Back to TOP