බිලාල සිහිනය…

>> Tuesday, July 13, 2010


බළලෙකු සැතපෙන අපූරුව බලන්න…
පාද කොට්ටා තුල උල් නිය සඟවාගෙන
දුඹුරු පැහැ වලිගය පිලිවෙලට තබාගෙන ..
අපිලිවෙල තැන්නක-විසිල අඩ කව වැනි
කළුවන් සම පත්ලේ -හැඟීම් විරහිත ලෙය
නිසොල්මන්ව - නිසසලව……

බළලෙකු සේ සැතපීමට ප්රිය කරමි මම…
කාලයේ සිනිඳු ලොම් තුල .
වියලි රාග ගින්න පිරිමැද
කළුගලක් සේ ගොරෝසු දිවෙන් ,
පියසි හා මිටියාවත් ඉහලින්
විහිදා මා ගත - කිසිවෙකු හා නොදොඩාම
ආශාවෙන් මන්මත්ව
ගොදුරු ලුහුබඳින්නට - මගේ සිහින තුල ….

බළලුන් නිදන සැටි දැක තිබේ මම …
රාත්රිය අඳුරු පැහැ දිය මෙන්
පසු කර තරඟ ලන සැටි නොතකාම ..
විටෙක සීත හිම කඳු මුදුනින්
පහලට ඇදවැටෙයි නොසිතාම..
බිළාලයන්ගෙ මුතුන් මිත්තන් මෙන්
බොහෝ දුර ගොස් නිදි දෙව් දුව සමඟ
වලාකුළු , උස් පියසි, ගිනි කඳු මුදුනින්
අඳුර තුලටම පිමි පනින…

උත්කෘෂ්ට බිශොප්වරයෙකු මෙන්
නිදියන් ,නිදියන් , රැයේ බිළාලය..
ඔබේ ශක්තිමත් වලිගයේ බලයෙන්
කළු ඝනැති උඩු රැවුල් පහසින්
රැක දෙන්න මගේ සිහින සැම
මෙහෙයවන්න අඳුරේ සරන සිත….

පැබ්ලෝ නෙරූඩා විසින් රචිත, “cats Dream” නම් කවි පෙලෙහි පූර්ණ , සංක්ෂිප්ත පරිවර්තනය.


2 විවේචන:

Chanaka Aruna Munasinghe July 13, 2010 at 8:10 PM  

ඤාව් ඤාව් ඤාව්

Shadow/හේමලයා July 13, 2010 at 8:23 PM  

ශ්‍රේෂ්ඨ විප්ලවකාරී කවියෙකුගේ නිර්මාණයක්...අප හා බෙදා ගත්තට බොහොමත්ම තුතියි...:D

Free counters!

  © Blogger templates Shiny by Ourblogtemplates.com 2008

Back to TOP